Улаан чөтгөрүүд Испанийн Севилья багийг Олд Траффорт цэнгэлдэх хүрээлэндээ өнгөрсөн шөнө хүлээн авсан. Манчестер Сити, Ливерпүүлийн хамт шигшээ 8-д үлдэнэ гэдэгт фенүүд нь найдаж байсан. Ялангуяа Севильягийн талбайд 0:0-ээр эхний тоглолтдоо тэнцсэн нь ийм итгэлийг төрүүлэх болсон.
Нутагтаа дурын тоогоор л хожиход шигшээ наймд шалгарах байв. Харамсалтай нь 1:2 харьцаагаар шившигтэйгээр хожигдлоо. -Бид гараагаа сайн эхэлсэн. Эхний гоолыг хаалгандаа алдсанаас хойш байдал өөрөөр эргэсэн. Тэд талбайн гол хэсэгт чадварлаг тоглолт үзүүлсэн. Бөмбөгийг маш сайн контрольдсон. Яг энэ суудал дээр би 4 дэх удаагаа хожигдож, шигшээ наймаас хасагдлаа. Сүүлийн жилүүдэд Манчестер Юнайтедтэй 2 удаа, Порто, Реал Мадридтай тус бүр нэг удаа гэж онцоллоо. Бид чадах бүхнээ хийсэн. Тоглогчид сайн тоглосон. Харамсалтай нь бид хожигдлоо. Энэ чинь л хөлбөмбөг шүү дээ гэж Жозе Моурино хэвлэлийнхэнд хэлэв. Тэд одоо Аваргуудын Лиг, Английн Премьер Лигийг мартах цаг ирэв. Одоо Английн Цомын төлөө хэрхэн тоглохыг харах л хэрэгтэй болов.
Д.ЖАРГАЛ
