Өмнөговь аймгийн Манлай сумын харьяат 1969 оны улсын их баяр наадмын түрүү бөх Гомбо-Аюушийн Дэмүүл агсны нэрэмжит улс, аймгийн цолтой 128 бөхийн барилдаан болж өндөрлөлөө.
Өмнөговь аймгийн Даланзадгад болсон барилдаанд улсын арслан цолтой гурав, улсын гарьд нэг, улсын заан гурав, улсын харцага цолтой гурван бөх барилдсан юм.
Барилдаанд Увс аймгийн Давст сумын уугуул Алдар спорт хороо, Гачуурт групп, Увс нуур дэвжээний бөх улсын арслан Пүрэвийн Бүрэнтөгс түрүүлж, Ховд аймгийн Буянт сумын уугуул Хилчин спорт хороо, Ховд дэвжээний бөх улсын харцага Оргихын Хангай үзүүрлэжээ.
Их шөвөгт Завхан аймгийн Их-Уул сумын уугуул Алдар спорт хорооны бөх улсын гарьд Батнасангийн Гончигдамба, Сүхбаатар аймгийн Мөнххаан сумын уугуул, Жавхлант дэвжээний бөх улсын начин Болдбаатарын Батжаргал нар шалгарчээ.
Барууныг магнайлсан улсын арслан Н.Батсуурь тавын даваанд улсын гарьд Б.Гончигдамбад унасан бол Р.Пүрэвдагва арслан Б.Батжаргал начинд тахим өгчээ.
ДӨРВИЙН ДАВАА
1. П.Бүрэнтөгс У.Р- Ш.Нямсайхан А.Н
2. Н.Батсуурь У.А- Д.Хүдэрбулга А.А
3. Р.Пүрэвдагва У.А - Ц.Мөнхбаяр А.А
4. Б.Гончигдамба У.Г- Б.Чимэдвандан У.Н
5. Б.Батмөнх У.З- У.Н Д.Анар
6. Н.Жаргалбаяр У.З- У.Н Б.Батжаргал
7. Б.Соронзонболд У.З- У.Х О.Хангай
8. Б.Бат-Өлзий У.Х –У.Х М.Бадарч
ТАВЫН ДАВАА
1. П.Бүрэнтөгс У.А –У.З Б.Батмөнх
2. Н.Батсуурь У.А- У.Г Б.Гончигдамба
3. Р.Пүрэвдагва У.А- У.Н Б.Батжаргал
4. Б.Бат-Өлзий У.Х- У.Х О.Хангай
ЗУРГААГИЙН ДАВАА
1. П.Бүрэнтөгс У.А+ -У.Н Б.Батжаргал
2. Б.Гончигдамба У.Г- У.Х О.Хангай
ДОЛООГИЙН ДАВАА
П.БүрэнтөгсУ.А – У.Х О.Хангай
