МШТХ энэ жилийнхээ УАШТ-ийг Дорноговь аймгийн Сайншанд хотод хийхээр шийдвэр гаргасан байна. 4-р сарын 6-8 -ны өдрүүдэд баг, дан болон холимог хос,нэгбүрчилсэн төрлийн аваргуудаа тодруулна.
-11,12,1- р сард Лигийн аварга, гуравдугаар сард Хотын аварга, мөн сарын сүүлчээр Топ-12 цомын аварга ШТ-ыг зохиосон тул тамирчид бэлтгэл хангагдсан. Цомын аваргаар улсын хошой аварга Б. Билэгт, Хотын АШТ-ээр спортын мастер Эрдэнэбаяр нар түрүүлсэн. Мөн Лиг, Хот, цомын аваргад эхний 3-т шалгарсан улсын аварга Баярмагнай, Бэгз, Лхагвасүрэн нарын аваргууд ч УАШТ-дээ оролцохоор бэлтгэлээ базааж буй гэж тус холбооны ерөнхий нарийн бичгийн дарга С.Галбадрах хэлэв.
-Орон нутагт УАШТ зохиолгүй удсан. Зарим аймаг УАШТ-ийг хүлээн авах хэмжээнд хүрсэн. Тиймээс Дорноговь аймгийг сонголоо гэж холбооны ерөнхийлөгч Гантулга онцоллоо. Өнгөрсөн оны УАШТ Дархан -Уул хотод зохиогдож, улсын аварга Э.Лхагвасүрэн 4 дэх түрүүгээ авсан байна. Харин залуу мастер Эрдэнэбаяр үзүүрлэж, Батдэлгэр, Чулуудай нар хүрэл медаль хүртсэн байна. Иймээс энэ жилийн УАШТ-д залуучууд өнгөлөх болно гэж хорхойтон Д.Батжаргал таамаглаж байна.
(1)%20(1).JPG)
