Аваргуудын лигийн шөвгийн наймын хариу тоглолтууд өнгөрсөн шөнө ширүүн өрсөлдөөн дунд явагдлаа.
Аваргуудын лигийн таван удаагийн аварга Ливерпүүл энэ шатанд английн премьер лигт түрүүлэх болзлоо хангаад буй Манчестер ситигийн Этихад цэнгэлдэхэд зочилж 2:1-ээр илүүрхэж 10 жилийн дараа их шөвөгт шалгарлаа. Эхний тоглолтод Ливерпүүл 3:0-ээр илүүрхсэн тул Манчестерийн баг тоглолтын эхнээс л шуургалсан довтолгоон өрнүүлсэн.
Энэ нь ердөө хоёр дахь минутанд үр дүнгээ өгч Рахым Стерлингийн дамжуулалтаар Габриел Жесүс гоолдож багтаа итгэл найдвар авчирсан. Эхний гоолыг оруулсан тэд үргэлжлүүлэн довтолж байсан ч нэмж гоол оруулж чадаагүй. Үеийн төгсгөлд Милнерийн дутуу цэвэрлэсэн бөмбөгийг Лорэ Сане гоол болгосон ч хажуугийн шүүгч туг өргөчих нь тэр. Үүнийг эсэргүүцсэн дасгалжуулагч Пеп Гуарделио шүүгчтэй маргалдаж талбайг чөлөөлсөн.
Хоёрдугаар үед Ливерпүүл тэс өөр тоглолт үзүүлж илүү довтолж байсан нь 56 дахь минутанд үр дүнгээ өгч Сайдо Манегийн гоёмсог дамжуулалтыг “Египт Месси” Мухамед Сала гоол болгож багтаа тэнцээ авчирсан юм.
Гоол алдсан Манчестер ситигийн тоглолт эмх замбараагүй болж үүнийг нь Бразил тамирчин Роберто Фирмино овжиин ашиглаж багтаа тэргүүлэл бэлэглэсэн юм.
Ингэснээр аваргуудын лигийн “дархан аварга” Английн Ливерпүүл 10 жилийн дараа их шөвөгт шалгарлаа.
Харин Манчестер ситигийн аварга болох мөрөөдөл ахин нэг жилээр хойшилж байна.
.JPG)
(1)%20(1).JPG)
