26-ны финалд Реал Мадрид, Ливерпүүл тулна. Аль аль нь хүчтэй довтолгооны гурвалтай. Мэргэн буучдыг Роналдо, Фермино, Салах, Мане 4 тэргүүлж буй нь ч санамсаргүй явдал биш. Энэ дөрвөн мэргэн бууч финалд оролцоно. Хүчирхэг довтолгоон. Энэ бол хоёр багийн давуу тал. Гэвч сул тал нь ижил. Реал талбай дээрээ 2 гоол алдсан бол Ливерпүүлийн хаалгач зөвхөн Роматай хийсэн сүүлийн 2 тоглолтонд л 6 гоол алдсан. Энэ бол тэдний сул тал. Харин Реал Мадридын дунд хэсэг хүчирхэг. Модрич, Тони Кроос нарыг хялбархан даван туулна гэж бэрх. Харин Ливерпүүл энэ тал дээрээ Реалаас дутна. Тиймээс мэргэжилтнүүд Реал Мадрид гурав дараалан цом өргөж, ялалтын цувралаа 6 болгоно гэж үзэж буй. Ливерпүүлийн аз түшиж хожиж гэмээнэ, тэд ч мөн 6 дахь цомоо өргөх болно.
Э.БАЛЖАА
