Дорнод бүсийн плей офф-ын хоёрдугаар шатны тоглолтууд үргэлжилж байна. Бүсийн дэд байраар плей офф-д шалгарсан Бостон Селтикс талбайдаа Филадельфи 76-г хүлээн авч 108:103-аар ялж цувралыг 2:0-ээр тэргүүлж эхэллээ.
Тоглолтыг Филаделфиагийн залуус эрчтэй эхлүүлж 22 онооны тэргүүллийг аваад байсан байсан ч хоёрдугаар үед Бостон эргэн ирэлт хийж онооны зөрүүг ойртуулсан. Шийдвэрлэх дөрөвдүгээр үед талбайн эзэд илүү тоглож ялалт байгуулсан юм.
Энэ өдөр Бостоноос Жэйсон Татум 21 оноо, Терри Розьер 20 оноо, долоон самбар, есөн дамжуулалт, Маркус Смарт 19 оноо, Аал Хорфорд 13 оноо, 12 самбар авч жигдхэн сайн тогложээ. Филадельфи 76-аас Жоел Эмбийд 20 оноо, 14 самбар, Ж.Ж Редик 23 оноо, Роберт Ковингтон 22 оноо авсан байна. Харин багийн гол тоглогч Бен Симмонс ердөө нэг оноо авсан юм. Цувралын гурав дахь тоглолт ирэх ням гарагт Уэлс Фарго центр-т явагдана.
Д.НЯМАА