Өчигдөр буюу 5 дугаар сарын 21-ний өдрөөс улс орон даяар “дархлаажууулалтын 10 хоног” эхэлжээ. 10 хоногийн хүрээнд дархлаажуулалтын бүртгэл мэдээллийн цахим програмыг нэвтрүүлэх бөгөөд цахим санг бий болгосноор хүүхэд бүрийг товлолын вакцинаар хугацаанд нь дархлаажуулах, халдварт өвчний эсрэг хүн амын дархлааны түвшинг тодорхойлох, өрх сумын эмч, сувилагч нарын ажлын ачааллыг эрс багасгахаар зорьж байгаа юм.
Мөн энэ 10 хоногийн хугацаанд вакцины талаарх сургалтыг зохион байгуулах юм. Учир нь манай улсын нийт эцэг эх, асран хамгаалагчдын:
93.5% нь вакцины ач холбогдлыг хүлээн зөвшөөрдөг бол
27.3% нь вакцины аюулгүй байдалд үл итгэдэг,
13.7% нь эмнэлгийн ажилтанд сэтгэл ханамжгүй байснаас,
16.6% нь бусад шалтгаанаар хүүхдээ вакцинаас хоцроодгийг судалгаагаар тогтоосон байдаг. Тиймээс дархлаажуулалтын, тэр дундаа вакцины ач холбогдлыг эцэг эх, асран хамгаалагчдад ойлгуулахаар зорьж байгаа юм.