Шатрын насанд хүрэгчдийн улсын аварга шалгаруулах тэмцээн Архангай аймгийн Цэцэрлэг хотод үргэлжилж байна. Эрэгтэйчүүдийн 58, эмэгтэйчүүдийн 50 дахь удаагийн тэмцээнд урьдчилсан шатны тэмцээнээс шалгарсан шилдэг 24 шатарчин өрсөлдөж байгаа юм. Энэ жилийн улсын аварга шалгаруулах тэмцээний нэг онцлог нь Гүржийн Батуми хотод болох дэлхийн шатрын олимпиадад оролцох эрхийн төлөө шатарчид өрсөлдөж байгаагаараа онцлог болж байгаа. Тэмцээний эрэгтэйчүүдийн төрлийг Хэнтий аймгийн тамирчин олон улсын шатрын холбооны матер Уртнасангийн Насанжаргал, Сумьяагийн Билгүүн гурван өргийн дараах байдлаар хожигдолгүй тэргүүлж байна. Харин их мастер Гомбосүрэнгийн Мөнхгал 2.5, олон улсын шатрын холбооны мастер Намхайн Баттулга нар 2.5 оноотой удаалж байна. Эмэгтэйчүүдийн тэмцээнийг гурьан өргийн дараах байдлаар олон шатрын холбооны мастер Т.Номиндалай тэргүүлж айгаа бол их мастер, гавьяат тамирчин Батхуягийн Мөнгөнтуул, олон улсын шатрын холбооны мастер Б.Мөнгөнзул 2.0 оноотойгоор тэмцээнийг үргэлжлүүлж байгаа юм. Өнгөрсөн оны улсын аварга залуу тамирчин Ү.Үүрийнтуяа эхний өрөгт гавьяат тамирчин Б.Мөнгөнтуултай тоглож хожигджээ. Тэмцээн энэ сарын 27-ны өдөр өндөрлөх юм.