КЭЙН : БИД ДЭЛХИЙН АВАРГЫН ЦОМЫГ ӨРГӨНӨ
-Тоттенхемийн довтлогч, өнгөрсөн улирлын Премьер Лигийн шилдэг довтлогч , 24 настай, Английн шигшээ багийн ахлагчаар томилогдсон Харри Кэйн ингэж хэллээ.
- Олон сайн баг оролцоно. Биднийг түрүүлэх багийн тоонд оруулж нэрлэхгүй байгааг мэдэж байгаа. Гэхдээ Английг аваргын тооноос хасаж тооцно гэдэг бол тэнэг үйлдэл. Бидэнд алдсан зүйл бий. 11 метрийн торгуулийн цохилтоор ялагдаж ДАШТ-ийг олонтаа орхиж байсан гунигт түүх бий. Гэхдээ энэ удаа Английн баг өөр. Хэн хэдийд Английн Ливерпүүл багийг Аваргуудын Лигийн финалд хүрнэ гэж хэлсэн юм гэж асууя.
Ийм л зүйл тохиолдоно гэж төсөөлж, аваргын цомыг өргөж байна гэдэг мөрөөдлөөр хөглөгдөж Орос орныг бид зорих болно. Ливерпүүлийн амжилт бол бидний даль жигүүр юм. Английн нас залуу баг чадах бүхнээ хийх болно. Бид зөвхөн мөрөөдөж буй биш, цомыг эх орондоо авчрахын төлөө Дэлхийн аваргыг зорьж байна гэж Английн багийн ахлагч Харри Кэйн бодлоосоо хуваалцлаа.
Д.БАТЖАРГАЛ