Сонирхогчийн боксын олимпийн наадмын мөнгө, дэлхийн аварга шалгаруулах тэмцээний мөнгөн медальт гавьяат тамирчин Н.Төгсцогт мэргэжлийн боксын риген дэх арав дахь тулаанаа хийлээ.
Тэрээр энэ удаа Колумбын тамирчин Оскар Эскандсонтой тулалдаж гуравдугаар үед хүнд цохилтоор ялалт байгуулжээ. Тулааны эхний үед Оскар Эскандсоны урд гарын цохилт байндаа тусч Н.Төгсцогтыг тоолуулсан юм. Гэсэн ч манай тамирчин гуравдугаар үед сэргэлт авч урд хойд гарын ээлж дараалсан цохилтууд нь байндаа тусч өрсөлдөгчөө гурван ч удаа тоолуулж накаутаар ялжээ.
Оскар Эскандсон мэргэжлийн боксын рингенд 28 тулаан хийж 25 удаа ялалт байгуулсан шилдэг тамирчин юм. Тэрээр ялалтынхаа 17-г техникийн илт давуу буюу накаутаар ялалт байгуулсан юм.
Ийнхүү 2015 оны гуравдугаар сарын13-нд анхны тулаанаа хийж байсан Н.Төгсцогт мэргэжлийн бокст 10 тулаан хийж ялагдаагүй байна.
Д.НЯМАА
