Японы мэргэжлийн сумогийн тавдугаар сарын тэмцээн 15 өдрийн турш үргэлжилж өчигдөр өндөрлөлөө. Тэмцээний сүүлийн өдөр Екозуна Какурюү М.Ананд их аварга М.Даваажаргалыг ёрикири мэхээр ялж мэргэжлийн сумогийн дээд зиндаанд тав дахь удаагаа түрүүллээ. Харин Хакухо М.Даваажаргал энэ сарын тэмцээнийг 11 даваа дөрвөн унаатайгаар өндөрлүүлжээ.
Харин тэмцээний эхний 12 өдөр унаагүй тэргүүлж байсан нэгдүгээр сарын тэмцээний түрүү бөх Точиношин магешира цолтон Шодей болон Какурюү М.Ананд нарт өвдөг шороодож түрүүлэх боломжоо алдсан юм. Монголын бөхчүүдээс Ичиножо А.Ичинноров, Тамаваши Мөнх-Оргил нар тавиас дээр хувийн амжилт үзүүлжээ. Харин дээд зиндаанд барилдсан Чиёомару Г.Мөнхсайхан, Араваши Дөлгөөн нар тавиас дээр хувийн амжилт үзүүлж чадсангүй ирэх сард чансаа буурч барилдахаар боллоо.
Харин Жонидан зиндаанд хүч үзсэн Хоошёорюү С.Бямбасүрэн долоон даваатайгаар түрүүлсэн бол Макучита зиндаанд Кирибаяама Б.Лхагвасүрэн өвдөг шороодолгүй долоон даваа авч түрүү бөхөөр тодорчээ. Нацу башед мэргэжлийн сүмогийн долоон зандааны гуравт нь Монголын бөхчүүд түрүүлсэн амжилт үзүүллээ.
Д.НЯМАА