Олон улсын жүдо бөхийн холбооноос зохион байгуулдаг олимпийн оноо олгох Гран при тэмцээн ӨМӨЗО-ны Хөх хотод болж өндөрлөлөө. Энэ удаагийн гранприд Монголоос 28 хүний бүрэлдэхүүнтэй баг оролцсон юм.
Эрэгтэйчүүдийн +100 кг-ын жинд хүч үзсэн олимпийн аварга Н.Түвшинбаяр барилдаж алтан медаль хүртлээ.
Энэ жинд зодоглосон залуучуудын дэлхийн аварга олон улсын хэмжээний мастер Ө.Дүүрэнбаяр мөнгөн медаль зүүсэн юм. Мөн +90 кг-д зодоглосон олон улсын хэмжээний мастер Г.Алтанбагана шигшээд шалгарч БНСУ-ын тамирчинд хожигдож мөнгөн медаль хүртсэн байна.
Харин эрэгтэйчүүдийн 73 кг-д барилдсан Ц.Цогтбаатар эзэн орны Сайнжаргалыг хожиж хүрэл медалийн тавцанд зогсжээ. Мөн эрэгтэйчүүдийн 60 кг-д барилдсан дэлхийн аварга шалгаруулах тэмцээний мөнгөн медальт гавьяат тамирчин Д.Амартүвшин ОХУ-ын Роберт Шибазег торгуулиар цэвэр ялж хүрэл медаль хүртсэн байна.
Энэ жинд хүч үзсэн дэлхийн аварга Г.Болдбаатар Казахстаны Гусман Киргизбаевт хожигдож долоодугаар байр эзэлсэн юм.
Д.НЯМАА