Үндэсний сагсан бөмбөгийн холбооны өрнөд бүсийн аваргаар Голден стет Уарриорс баг шалгарлаа. Тэд өрнөдийн аваргын төлөө Хьюстен Рокетс багтай ширүүн өрсөлдөж цуврал долоон тоглолтод 4:3-аар илүүрхсэн юм. Цувралын долоо дахь тоглолт өнөө өглөө Хьюстен Рокетсийн талбайд явагдсан. Талбайн эздээс багийн гол тоглогч Крис Пол бэртлийн улмаас талбайд гараагүй бол Голден Стетээс бэртэлтэй тоглогч байсангүй. Тоглолтын эхний хагаст Хьюстен Рокетс хамгаалалт довтолгоондоо жигдхэн сайн байж 54:43-аар илүүрхсэн.
Харин шийдвэрлэх хоёрдугаар хагаст аваргаа хамгаалан тоглож буй Голден стетийн довтолгоо сэргэж Стефен Карри, Кевин Дурант нарын ээлж дараалсан довтолгоонууд байндаа туссан юм. Тэд гуравдугаар үед 33 оноо авч өрсөлдөгч багтаа 15-ыг алдсан. Алтан мужийн дайчид дөрөвдүгээр үед ч энэ давамгайллаа алдсангүй. Үндсэн цагт 101:92-оор хожсон юм. Голден Стетеес энэ өдөр Кевин Дурант 34 оноо, Стефен Карри 27 оноо 10 дамжуулалт, Клэе Томпсон 19 оноо түүж багаа тэргүүлжээ.
Харин Хьюстен Рокетсийн лидер, улирлын үнэ цэнтэй тоглогч Жеймс Харден 32 оноо авчээ. Гэсэн ч Харден холын зайнаас 13 удаа шидэж хоёрыг нь л оноо болгосон нь хожигдлын гол шалтгаан болов. Мөн Тревер Ариза холын зайнаас есөн удаа нэгийг нь оноо болгоогүй юм. Ийнхүү Стив Керреер удирдуулсан Голден Стет Уарриорс сүүлийн дөрвөн жил дараалж аварын төлөө шалгарч байна. Тэд цомын төлөө Кливланд Кавалерстай тоглоно.