.JPG)
2018 оны ДАШТ-д түрүүлэх магадлал бүхий Испанийн баг гараандаа бүдрэх шахав. Реал Мадрид, Португалийн шигшээ багийн ахлагч Роналдо эхний тоглолтдоо хет трик хийж мэргэн буучдыг тэргүүлж эхэллээ.
Тэр эхний гоолыг торгуулийн 11 метрийн цохилтоос гүйцэтгэж, удаах хоёр гоолыг тоглолтоос оруулав. Тэд эхний хагасыг 2:1 -ээр тэргүүлсэн боловч, хожлоо хамгаалж чадсангүй. Сүүлийн хагаст 2 гоол алдаж, хожигдож явсан ч, Роналдогийн ээлжит гоолоор хожигдлоос аврагдав.
Португалийн багийн хувьд дунд насжих байдал анзаарагдаж байна гэж мэргэжилтнүүд дүгнэж байна. Роналдо 33 настай ч гялалзаж байхад, хагас хамгаалалт, хамгаалалтын Пепе нарын гол тоглогчид нь гуч нэлээн гарсан учир хурд хүч нь ихээхэн саарсан байна. Тиймээс Диего Коста хоёр ч гоолыг оруулж амжив.
Тоглолтын уур амьсгалыг илтгэсэн фото зургаар үзүүлье.
Д.ЖАРГАЛ
