Энэ тухай Оросын хэвлэлд бичиж байна. Оросын баг 5:0-ээр Саудын Арабын багийг бутниргэхэд Головин эхний гоолын дамжуулалтыг өгч, сүүлчийн гоолыг нь 16-ийн гаднаас цохиж оруулан цэг тавьсан. Мөн бусад 3 дахь гоолын шууд дамжуулалт, үлдсэн хоёр гоолд нь хамжилцсан.
Ийнхүү түүний ачаар Оросын баг гайхалтай хожил авч, хэсгээ тэргүүлж эхэлсэн. Одоо тэдний хувьд Египтийн багтай тэнцэхэд л хэсгээсээ хоёроор гарах шанс нээгдсэн. Харин эхний тоглолтын гол баатар Головиныг Италийн Ювентусээс эхлээд сонирхож, холбогдож эхэлсэн байна. -Би хилийн чанадад, Серия А лигид тоглох тухай одоохондоо бодохгүй байна. Хамгийн чухал ДАШТ-дээ сайн оролцохыг л бодож байна гэж хэвлэлийнхний сонирхсон асуултанд хариулсан байна. Дэлхийн аварга, Европын аварга, Ази, Африк, Латин Америк тивийн аварга шалгаруулах тэмцээн гэдэг бол сайн тамирчны араас хөөцөлдөх "том ангуучлал" юм. Энд мэргэжилтнүүд дуран хараагаа зоодог. Энэ хараанд Головин хамгийн түрүүнд өртжээ.
Д.ЖАРГАЛ
