Дэлхийн аваргад түрүүлэх багийн тоонд Бразилийн багийг ёс юм шиг ямагт нэрлэдэг. Гэвч нутаг дээрээ зохиосон ДАШТ-д Бразильчүүд бүдэрсэн. Бүр 7:1-ээр Германы багт бут ниргүүлсэн түүх хуучраагүй байна. Тэд дасгалжуулагчаа сольсон. Багаа нэг хүнээс хамааралгүй болгосон гэсэн дүгнэлтийг хийсэн.
Гэвч эхний тоглолт нь мөн л гавьсангүй. 26 настай, төрсөн өдрөө Сочид тэмдэглэсэн Коутинхогийн гоолын ачаар тэд Швейцарьтай оноо хуваалцлаа. Тэднийг Коста -Рикаг 1:0-ээр буулгасан Серби гэдэг амаргүй баг хүлээж буй. Харин Швейцарьчүүдийн хувьд хэсгээсээ шалгарах сайхан боломжийг өөрсдөдөө үлдээж чадлаа.
Д.ЖАРГАЛ
