Хүнд тоглолт. 14 дахь минутанд эхний гоолыг Месси хийсэн ч, 51 дахь минутанд Нигерчүүд 11-ийн торгуулийн цохилтоос харьцааг 1:1 болгож тэнцүүлсэн. Түүгээр ч зогсохгүй Нигерчүүд тэргүүлэх дөхсөн. Нигерийн довтлогчийн хаалганаас 5 метрийн ойр тогтоож цохисон бөмбөг нь хаалганы гадуур, аз болоход өнгөрсөн.
Тэгсэн бол Аргентинчүүд өдийг Оросыг орхих байсан. Германы багийг хөлбөмбөгийн тэнгэр ивээн тэтгэсний ижил Аргентины баг ч ивээлд багтав. Тэд хожлын гоолыг тоглолтын төгсгөлд шигтгэснээр Аргентинд ДАШТ-ээс хасагдах аюулаас аврагдлаа. Багийн дасгалжуулагч Сампаоли талбай дээр гарч ирснийг бодоход түүнийг халж сольсонгүй. Харин шинээр бүрэлдэхүүнд гарсан Хигуян, Банеги нар хожилд маш чухал үүрэг гүйцэтгэлээ. Ийнхүү Месси төрсөн өдрөөрөө ДАШТ-ээ үргэлжлүүлэх бэлэгийг хөлбөмбөгийн бурхан тэнгэрээс хүртлээ.
Д.ЖАРГАЛ