.jpg)
Хэсгийн эхний тоглолт : Герман 0:1 Мексик. Энэ тоо 2,3 болж болох байсан. Мексикийн довтлогчдын хурдыг Германы багийн хамгаалалт гүйцэхгүй байв.
Хоёрдахь тоглолт : Герман 2:1 Швед. Хэдийгээр Герман хожсон харагдсан ч үндсэндээ Шведэд хожигдсон тоглолт. Польшийн шүүгч Боатенгийн илэрхий алдааг үл тоож, 11 метрийн торгуулийн цохилтыг үл заасан. Германчууд тоглолтын 95 минутанд торгуулийн цохилтоор хожлыг булааж авсан. Гуравдахь тоглолт: Герман 0:2 Өмнөд Солонгос. Өмнөд Солонгосыг л хожиход хэсгээсээ шалгарахаа Германы баг мэдэж байсан. Тэд ч хожно гэдэгтээ бардам, фанатууд ч эргэлзээгүй, дүнд нь. Гэтэл дэндүү биеэ тоосон, ихэмсэг Германы баг хямсгар байдлаа хадгалсаар байгаад л өөрөөсөө чансаа доогуур Өмнөд Солонгосын багт 0:2-оор хожигдож, тэмцээнийг орхилоо.
2014 оны Дэлхийн аварга, сүүлийн 6 том тэмцээнд тогтмол шөвгийн дөрөвт шалгарч байсан Германы багийг нутгийн зүг жолоо залахад хэн ч харамссангүй. Тэд ийм л тоглолт үзүүлсэн. Байгаа хэмжээ, түвшин нь илэрлээ. Дээгүүр өрсөлдөх чадваргүй болж. Дэндүү ихэмсэг, бусдыг басаж, ихэрхдэг зан нь чанар нь харагдлаа. Тиймээс тийм баг Дэлхийн аваргыг чимж чадахгүй. Орхисонд нь огт харамсах зүйл алга гэж мэргэжилтнүүд дүгнэлээ.
Ц.ЭНХБАТ
