Францын шигшээ багийн 19 настай довтлогч Килян Мбаппе 2018 оны ДАШТ-ий шигшээ тоглолтод 4 гоол оруулснаар хөлбөмбөгийн түүхэнд хоёрдугаарт бичигдэх болсон.
Энэхү түүхэн амжилт нь 60 жилийн өмнөх Пелегийн хийсэн гоолын дараагаар орж буй юм. 1958 оны ДАШТ-ий сүүлчийн тоглолтод 17 настай байсан Пеле Шведийн хаалганд гоол хийж, хамгийн залуудаа шигшээ тоглолтод гоол оруулсан тамирчин болсон юм. Тэгвэл Бразилын домогт тамирчин Пеле өчигдөр твиттер хуудсандаа “Хэрвээ Килян миний дээд амжилтуудыг энэ мэтээр давтаад байх юм бол би дахин тоглож эхлэхээс өөр аргагүй болох нь” гэсэн утгатай өгүүлбэр бичсэн байна.
Харин Мбаппе түүнд хариу болгон “Хаан үргэлж хаан хэвээр байдаг” гэсэн өгүүлбэрийг бичиж, хөлбөмбөгийн хаанд хүндэтгэл үзүүлжээ.
Б.ХУЛАН
