“Мазала” үндэсний дээд лигийн 10-р тойргийн нээлтийн тоглолт төв цэнгэлдэх хүрээлэнд “Дэрэн”, “Андууд сити” багуудын хооронд боллоо. “Андууд сити” улирлын эхний тоглолтод “Дэрэн”-д хожигдсоноос хойш найман тоглолт дараалан хожигдоогүй сайн үзүүлэлттэй байсан ч өнөөдөр Серби дасгалжуулагчийн багт дахин хожигдов.
Тоглолтын эхний хагас гоолгүй өндөрлөсөн бол хоёр дугаар үеийн 53 дахь минутад Х.Цэнд-Аюуш чөлөөт цохилтоос гоол оруулсан юм. Х.Цэнд-Аюуш багтаа маш хэрэгтэй байсан энэ гоолынхоо баярыг саяхан хорвоод бяцхан хүүхдэдээ зориуллаа. Харин тоглолтын эцсийн цэгийг 86 дахь минутад “Дэрэн” багийн зуны солилцоо наймааны цонхоор авсан Андрей Зорин тавьж, баг нь үндсэн цагт 2:0-ээр хожлоо.
Энэ тоглолтын шилдгээр эхний гоолын эзэн Х.Цэнд-Аюуш нэрлэгдсэн. Түүнээс гадна “Дэрэн” найм дараалан хожигдоогүй байсан “Андууд сити”-ыг буулган авч, есөн тоглолтод ердөө таван гоол алдаад байсан Такуми Томизавагийн хаалганд хоёр гоол оруулж чадлаа.
Д.НЯМАА
