Өнөөдөр өглөө Гачууртын замд бензин тээвэрлэж явсан том оврын машин онхолджээ. УБД 4059 улсын дугаартай машин нь хэт хурдтай явснаас болж зам дээр эх биеэрээ осолдож, дугуй нь салж, тээвэрлэж явсан бензин нь замаар асгарчээ. Зам дагуу амьдрах оршин суугчдын аюулгүй байдалд хохирол учирч болзошгүй нөхцөл байдал үүссэн байна. Осол гарсан замаас 10 метр ч хүрэхгүй зайд шатахуун түгээх станц байсан юм. Цагдаагийн албан хаагч, оршиг суугчид ирж ойр хавийн замыг хаан, 100 метр гаруй урссан бензинийг цэвэрлэхээр ажиллаж байлаа.
Тус нөхцөлд шүдэнз зурахад л гал гарах нөхцөл байдал үүссэн бөгөөд гал авалцсан бол шатахуун түгээх станц дэлбэрэх маш аюултай байдал үүсэхээр байв. Харин том оврын машины жолоочийн бие тааруухан байсан учир түргэн тусламжийн газар дуудлагын дагуу ирж жолоочийг эмнэлэгт хүргэсэн юм.
Ц.БАТ
