Дэлхийн хоёр дахь ноён оргил К2 /8611 м/ ууланд амжилттай авирсан анхны Монгол эмэгтэй, гавьяат тамирчин Б.Гангаамаа буултаа амжилттай гүйцэтгэлээ. Амь насаа алдах өндөр эрсдэлтэй “үхлийн” гэх тодотголтой ууланд амжилттай авирсан Б.Гангаамаад Пакистаны Спортын яамнаас тус ууланд авиралт хийснийг гэрчлэх батламжийг гардуулсан байна.
Тэрбээр өнгөрсөн долдугаар сарын 21-нд К2 уулын оргилд 31 уулчны хамт авиралт хийж, хамгийн олон хүн авирсан нэгэн дээд амжилт тогтоосон юм.
Гавьяат тамирчин Б.Гангаамаа наймдугаар сарын 4-нд эх орондоо ирнэ.
Д.НЯМАА