Өнгөрсөн лхагва гаригт Үндэсний цэцэрлэгт хүрээлэнд байт харвааны стандарт талбай нээгдсэн. Дайчин чанар-Тэсвэрийн талбар байт харвааны "360" талбайд энэ оны улсын аваргын тэмцээн эхлээд байна. Тэмцээнд 100 гаруй тамирчид оролцож байна. Байт харвааны зориулалтын талбай олон мянган хүний сэтгэл, зүтгэлийн хүчээр боссон юм. Тэдний нэг нь Ерөнхийлөгчийн зөвлөх асан П.Цагаан гуай. Тэрбээр "Улсын аваргын тэмцээний үеэр шинэ рекорд тогтоогоосой" хэмээн тамирчдад ерөөл хүслээ. Энэ талбайг бүтээхэд байтын тамирчид өөрсдөө манлайлан ажиллаж, иргэд дэмжигчдийн хандив, тусламжаар маш богино хугацаанд босож чадсан юм.