“Жакарта-Палембанг 2018” Азийн зуны спортын 18 дугаар наадамд оролцох Монголын баг тамирчдыг үдэн гаргах ёслолын ажиллагаа өчигдөр Спортын төв ордонд боллоо. Үйл ажиллагаанд Азийн наадамд оролцох баг тамирчид, дасгалжуулагч, шүүгч, багийн ахлагчид бусад албаны хүмүүс оролцсон юм. Азийн наадамд оролцох тамирчдын тангарагийг “Парис-2017” ДАШТ-ий алтан медальт, гавьяат тамирчин П.Орхон өргөлөө. Жакартагийн Азийн наадмын Монголын багийн ахлагчаар МЧБХ-ны дэд ерөнхийлөгч, “Хасу-Мегаватт” компанийн захирал Ж.Түмэн-Аюуш ажиллах бол олон улсын хэмжээний мастер улсын харцага Н.Золбоо Монголын багийн тугчаар ажиллахаар болжээ.
Д.НЯМАА
