Индонезийн Жакарта, Палэмбанг хотуудад Азийн спортын 18 дугаар наадам найм дахь өдрөө үргэлжилж байна.
Өнөөдрийн байдлаар Монгол Улсын баг тамирчид гурван алт, хоёр мөнгө, таван хүрэл медаль хүртсэн амжилтаар арвангурав дугаарт жагсаж байна.
БНХАУ-ын тамирчид 72 алт, 51 мөнгө,31 хүрэл медаль хүртсэн амжилтаар тэргүүлж байгаа бол Японы баг тамирчид 36 алт, 32 мөнгө 44 хүрэл медаль зүүсэн амжилтаар удаалж байна. 45 орон оролцож буй Азийн наадмаас 32 орон ямар нэгэн медаль зүүгээд байгаа юм.
Монголын тамирчдын медаль зүүх магадлал өндөр боксын тэмцээн эхлээд байна. Эрэгтэйчүүдийн 49 кг-д тулалдаж буй “Алдар” спорт хорооны тамирчин Х.Энхмандах Дэлхийн аварга шалгаруулах тэмцээний мөнгөн медальт БНСУ-ын тамирчин Шин Жон Хьюныг 3:0-ээр ялж тэмцээнээ амжилттай эхлүүлжээ. Түүний төрсөн ах Х.Энх-Амар 56 кг-ийн жинд эхний тулаанаа хийж Японы тамирчин Цүцүми Хаяатог хожиж шигшээ 16-д шалгараад байгаа юм.
(1)%20(2)(3).JPG)
