Өмнөд Солонгос, Индонез, Гонконг, Йемэнтэй нэг хэсэгт Монголын баг таарсан. Өмнөд Солонгос, Индонезтэй хийсэн эхний хоёр тоглолтонд 3:0-р хожигдсон байна.
Энэ тоглолтонд Эрдэнэбаяр, Мөнхзориг, Тэмүүлэн нарын нас залуу тамирчдын хүчийг сорьсон гэж МШТХ хэлж байна. Үлдэж буй Гонконг, Йемений баг ч Өмнөд Солонгосын хэмжээнд хүрэхгүй ч, мөн л хэцүү учраанууд. Ялангуяа Гонконг дэлхийд шигшээ 8-д эрэмблэгдэх тамирчидтай бол, Йемений багийг Өмнөд Солонгосын шилдэг дасгалжуулагчид сүүлийн 8 жил дасгалжуулсны үр дүн нь гарч эхэлсэн.
Үлдсэн тоглолтонд улсын 4 удаагийн аварга Э.Лхагвасүрэн, 2 удаагийн аварга Б.Билэгт нарын туршлагатай тамирчдын хамт залуучуудыг тоглуулах болсон талаар багийн ахлагч Б.Баярмагнай Sportlife.mn-д мэдээллээ.