Ширээний теннисний ноёрхол Хятад, Япон, Солонгосыг дагаад Ази тивд шилжсэн. Дээрх багуудын араас Сингапур, Гонконг, Энэтхэг зэрэг багууд ямагт байр сууриа урагшлуулж буй. Их үсрэнгүй хөгжилд нь Төв Хятадаас сайн тамирчин авч улсынхаа нэрийн өмнөөс тоглуулах зэрэг нь ч шууд нөлөөлдөг.
Ази тивдээ ширээний теннисний хөгжлөөр Хятад, Япон, Солонгос, Сингапурын ард бичигдэх болсон Гонконгийн хүчтэй багт Монголын теннисчид 3:0-ээр ялагдлаа. Багийн анхны контр буюу өрөг доторхи хожлыг улсын аварга, хашир туршлагатай теннисчин Лхагвасүрэн авсан байна. Дараагийн учраа нь Йемен. Тоглолт өнөө орой эхэлнэ гэж багийн ахлах дасгалжуулагч Баярмагнай мэдээллээ.
Ц.ХИШГЭЭ