Багийн тоглолт өндөрлөж эхнээсээ дүнгээ танилцуулж байна. Азийн тоглолтын эхний сенсаацыг Энэтхэгийн эрэгтэй баг тарилаа. Тэд хагас шигшээд Японы багийг 3:1-ээр буулган авснаар Азийн тоглолтын түүхэн дэх анхны медаль дээрээ буулаа.
-Азийн тоглолтын медальд хүрлээ. Хязгааргүй баярлаж байна. Зүүдэлж, мөрөөдөж ч байсангүй "гэж Энэтхэгийн багт 15 жил зүтгэсэн, ахмад теннисчин Ашанта Шараф Камал хэллээ. 1958 оноос хойш зохиогдсон Азийн наадамд Хятад( 61 алт), Япон ( 20), Өмнөд Солонгос ( 10) медаль авч байсан түүхтэй. Энэ түүхийг Энэтхэг улс баяжуулж чадлаа. Тэд хүрэл медалийнхаа өнгийг хувиргах эсэхийг өнөө оройны тоглолт шийдвэрлэнэ.
Японы хувьд гол гурван тоглогчоо оролцуулаагүй. Гэхдээ энэ нь Энэтхэгийн багийн асуудал огт биш. Тэд медальд хүрсэн нь үнэн. Харин Монголын эрэгтэй баг урьд өмнө нь 3 таарахдаа гурвууланд нь 0:3-аар ялагдаж байсан Йемений багаас даагаа нэхэж 3:0-ээр хожиж, 12-р байрыг эзэллээ.
ОУХМ Э.Лхагвасүрэн, спортын мастер Б.Билэгт, Эрдэнэбаяр нар учраа бүрээ хожсоноор түүхэн гэх ялалтаа байгууллаа. Маргааш нэгбүрчилсэн тоглолт эхэлнэ.