"Мазала" үндэсний дээд лигийн 14-р тойргийн эхний тоглолт "Арвис", "Андууд сити" багуудын хооронд болоход "Андууд сити" 1:2-оор хожлоо. "Арвис" клуб 11 дугаартай хагас хамгаалагч Г.Цолмонбаатар 29 дэх минутад тооны харьцааг нээсэн ч лигийн шинэ цэргүүдийн давамгайлал ердөө гурван минут үргэлжиллээ.
Тодруулбал "Андууд сити" багийн төвийн хамгаалагч З.Алим 33 дахь минутад булангийн цохилтоос ирсэн бөмбөгийг гоол болгож тоон тэнцүүлэв. Харин 40 дэх минутад Д.Тэмүүлэн багийнхаа хоёр дахь гоолыг оруулж, "Андууд сити" 1:2-ээр хожлоо.
Тоглолтын дараа "Андууд сити" багийн дасгалжуулагч Акира Хигашияама 7-р сарын шилдгийн шагналыг гардсан авсан. Өнөөдөр гурван оноо авсан "Андууд сити" 30 оноотой болж тэргүүлэгч "Эрчим"-тэй зэрэгцэж ирлээ.