Английн Премьер Лигийн өрсөлдөөн сүүлийн жилүүдэд урьд өмнө үзэгдэж байгаагүйгээр ширүүссэн. Сүүлийн гурван жилд Манчестер Сити, Челси, Лейстэрсити гэсэн багууд аваргалсан бол энэ жил Премьер Лигийн аваргын өрсөлдөөнд Ливерпүүл нэгдсэнээ албан ёсоор зарласан. Тэд 1990-91 оны улирлаас хойш анх удаа эхний 5 тоглолтдоо ялалт байгуулаад байна. Сүүлчийн тойргийг хүртэл тэргүүлж явсан Ливерпүүл 5 дахь тойрогтоо Челсигийн ард эрэмблэгдсэн ч, оноогоороо тэнцүү яваа. Тэд зөвхөн оруулсан бөмбөгний зөрүүгээр Челсигийн ард жагсаж байна. Хэдийгээр 5-р тойрогт ухарсан үзүүлэлт харагдаж байвч, сүүлийн 3 жил Премьер Лигт эхний 3 байраас доошилж үзээгүй, тогтворгүй дээгүүр амжилт гаргаж буй Тоттенхэм багийг талбай дээр нь 2:0-ээр хожиж чадсан. Энэ бол агуулгын маш том ялалт. Тоттенхем баг энэ улиралд Манчестер Юнайтед багийг талбай дээр нь 3:0-дсэн гэдгийг бас санахад илүүдэхгүй. Мэргэжилтнүүдийн хэлж буйгаар энэ улиралд Ливерпүүлийг зогсоох баг тун цөөхөн гэнэ.
(1)%20(2)(2).JPG)
