Парис Сан Жермен багийг Францын аварга болгож, Аваргуудын Лигт хоёр жил дараалан шөвгийн наймд шалгаруулж чадсан Эмеру энэ улирлаас Арсенал багийг дасгалжуулагчаар ажиллаж байна. Гарааны эхний 3 тоглолтонд дөнгөж 1 хожиж, 2 хожигдож ердөө л 3 оноотойгоор хүснэгтэд доогуур бичигдэх үзүүлэлтээр Премьер Лигийн гараагаа тэр эхлүүлсэн. Арсеналын гол тоглогчийн нэг Мезут Озилтой ам муруйж, түүний улмаас Озилыг гараанд гаргасангүй гэх чимээ шуугиан улирлын эхэнд түүний тухай бичих сэдэв болж байсан. Тэгвэл үүнээс хойш 2 дараалан хожил байгуулж, Манчестер Юнайтедийн өмнө эрэмблэгдэж байна. Түүний тухайд, Өмнөх дасгалжуулагч Арсен Венгерийн хийж чадахгүй хоёр зүйлийг Эмеру Умай хийж чадлаа гэж мэргэжилтнүүд шуугиж байна.
Энэ бол амжилт үзүүлэлт тааруухан тоглогчдыг нэр хүндийг нь үл хамааран нэгдүгээрт тоглолтонд нэрийг нь зоохоос татгалзах, хоёрдахь нь тоглолтонд гаргасан ч үр дүн муутай бол шууд суулгах. Энэ хоёрыг Эмеру Умай хийж чадлаа. Ялангуяа, Ньюкастл -Арсенал-ын тоглолтонд энэ нь маш тодорхой харагдав. Эхний үед Арсенал маш сулхан, уйтгартай тоглолт үзүүлж байсан бол, завсарлагаа, тамирчдын сэлгээний дараа Арсенал өөр баг болж гарч ирсэн. Түүний үр дүнд ч 2 гоолдсон. Ийм л чадварыг Эмеру Умай үзүүллээ гэж түүнд талархагчдын тоо эрс нэмэгдлээ. Эмеру Умай бол Испани гаралтай дасгалжуулагч. Энэ жил Европа Лигт горьдлого бүхий баг гэж хүлээж буй.
(1)%20(2)(3).JPG)
