Та Хөвсгөлөөс "Монголын цом" ширээний теннисний олон улсын тэмцээнийг үзэхээр ирэв үү?
-Тэглээ. Хятад, Өмнөд, Хойд Солонгос , Герман гээд олон орны сайн тамирчид ирсэн гэсэн. Тоглолтыг нь 3 өдөр үзнэ дээ.
-Цас ороод зам бэрх байна уу? Хөвсгөлд цас их унав уу?
-Уулаараа, зарим газар 10 см зузаан орлоо.
-Зам хэр байна ?
-Цас их орсон тул, саатах шахлаа. Жижиг тэрэг бол шарваад явахгүй, дээр нь зам бөглөчих гээд.
-Ядаж байхад зам нарийн. Хоёр л машин зөрөх хэмжээний.
-Тийм. Амжиж ирлээ.
-Хөвсгөлд олон хүүхэдтэй хичээллэж байгаа юу?
-20 гаран хүүхэд клубт маань ширээний теннисээр хичээллэж буй.
-Хөөрхөн хүү харагдсан даа, сайн тоглодог.
-Бий, бий. Нэг охин, хүү хоёр. Хүү нь 12 наснаас дооших тэмцээнд багаараа түрүүлж, нэгбүрчилсэнд хоёрдугаар байранд орсон.
-Хүү чинь сайн тоглож буй. Энэ олон улсын тэмцээнд оролцох уу?
-Насанд хүрэгчдэд бол оролцохгүй. Харин хүүхдийн ангилалд орох юм билээ.
-За теннисийг алс хол Хөвсгөл аймагт хөгжүүлж буй үйлсэд тань амжилт хүсье. Сайн тамирчин олныг төрүүлээрэй.
-Баярлалаа. Хичээж байна. Ирэх жил Ширээний Теннисний Холбоо үүссэний 60 жилийн ой болно. Клубээ улам бэхжүүлнэ.
Хѳвсгѳл аймагт ширээний теннисийг хѳгжүүлж буй түүний хүү Сэр-од 12 доош, 14 наснаас доош ангилалд улсын хэмжээний бүх томоохон тэмцээнд түрүүлж теннис сонирхогчдын анхааралд ѳртсѳн.
Ярилцсан Д.ЖАРГАЛ
