Бөхийн жүдо барилдааны насанд хүрэгчдийн Дэлхийн аварга шалгаруулах тэмцээн Азербайжаны Баку хотод эхэллээ.
Тэмцээний эхний өдөр эрэгтэйчүүдийн 60, эмэгтэйчүүдийн 48 кг-ийн жингийн барилдаанууд явагдаж өндөрлөлөө.
Дэлхийн чансааны тэргүүн бөх гавьяат тамирчин Мөнхбатын Уранцэцэг энэ өдөр зодоглож шагналт тавдугаар байр эзлэв. Тэрбээр их шөвөгт шалгарсан ч Японы бөх Фуна Тонакид торгуулиар ялагдсан юм. Хүрэл медалийн төлөөх барилдаанд Казахсатаны бөх Галбадрахын Отгонцэцэгт мөн торгуулиар ялагдсан юм. Энэ жинд алтан медалийг Украйны 17 настай охин Дариа Белодид алтан медаль зүүсэн юм.
Эрэгтэйчүүдийн 60 кг-ын жинд зодоглосон залуучуудын Дэлхийн аварга шалгаруулах тэмцээний хошой хүрэл медальт олон улсын хэмжээний мастер Баяраагийн Амартүвшин зодоглосон ч Азербайжаны Орхан Сафаров ялагдаж тэмцээнээ өндөрлүүлжээ.