Жүдо бөхийн насанд хүрэгчдийн Дэлхийн аварга шалгаруулах тэмцээн эрэгтэйчүүдийн -100 кг-д барилдсан олон улсын хэмжээний мастер Л.Отгонбаатар хүрэл медаль хүртлээ.
Л.Отгонбаатар эхний даваанд АНУ-ын бөх Л.А.Смиттэй хийж, нэмэлт цагт вазари үнэлгээгээр ялалт байгуулсан. Хоёр дахь барилдаандаа Чилийн тамирчин Томас Бриченог вазари үнэлгээгээр илүүрхэж шилдэг 16-д шалгарсан юм. Удаад нь Латвийн тамирчин Жевгенис Бородавкотыгүүрэх мэхээр цэвэр ялсан байна. Хэсгийн аваргын төлөөх хариуцлагатай барилдаанд Португалийн Хорхе Фонсекаг тонгорсноор их шөвөгт шалгарчээ. Харамсалтай нь мөнгөн медалийн төлөө олимпын наадмын мөнгө, дэлхийн аварга шалгаруулах тэмцээний мөнгөн медальт Гүржийн Варлам Липартелианид хөмрүүлж ваззари үнэлгээ алдаж ялагдсан. Хүрэл медалийн төлөөх барилдаанд өнгөрсөн оны дэлхийн аварга Японы тамирчин Арон Волфыг хагалж өшиглөж цэвэр ялжээ.
Л.Отгонбаатар 2016 оны олимпын наадамд шагналт тавдугаар байр эзэлж байсан юм.
