Нас нь 37 хүрсэн ч, дэлхийд чансаагаараа 4-т эрэмблэгдэж буй Германы теннисчин Тимо Болл буурал тивд дахин аваргалж, 7 дахь алтан медалиа зүүлээ. Тэрбээр 2002 онд анх удаа Европын аварга болж, таван жилийн дараа 2007 онд аваргаа хамгаалж, хошой аварга болж байсан. Тэгвэл 2018 онд 7 дахь аваргаа" хийлээ". Тэрбээр Европын аваргаас баг, хос, нэг бүрчилсэн төрлөөр нийт 25 медаль хүртсэнээс 7 нь нэгбүрчилсэн төрлийн алтан медаль юм.
Теннис бол зөвхөн залуу насны спорт биш, бэлтгэл сайн бол 37 насандаа ч аваргалж болно гэдгийг тэр үлгэрлэлээ. Түүнтэй Румын улсын теннисчин Ионеску финалдаж 4:1-ээр хожигдож мөнгөн медаль дээр буусан нь Ионескугийн хувьд дээд амжилт болж байна. Монгол улсын хувьд ч гэсэн 2018 оны УАШТ-д Я.Бэгз 40 насандаа түрүүлж, 3 дахь түрүүгээ авсан бол 36 настай Баярмагнай түүнтэй финалдсан.