Үндэсний сагсан бөмбөгийн холбооны улирлын өмнөх тоглолтууд үргэлжилж байна. Дэлхийн шилдэг тамирчдын нэг Леброн Жеймсийг багтаа нэгтгэсэн Лос Анжелс Лекерс Денвер Нагетстай тоглож 124:107-оор хожигдлоо.
Энэ өдөр Хуанчо Эрнан Гомес 19 оноо түүж багаа тэргүүлсэн бол Жамал Мьюрей 18 оноогоор тусалжээ. Тэрээр 12 довтолгоо гүйцэтгэж наймыг нь амжилттай болгосон юм. Лекерсээс төвийн тоглогч Жавале Макги 19 оноо авч багаа тэргүүлжээ. Анх удаагаа “Нуурийнх”-ны төлөө талбайд гарсан Леброн Жеймс 9 оноо гурьан оновчтай дамжуулалт, гурван самбар авснаар тоглолтоо өндөрлүүлжээ. Ийнхүү Леброн Жеймсээр хүчээ зузаатгасан Лейкерс эхний шалгалтандаа бүдэрлээ.
Мөн Филаделфиа 76 Орландо межиктэй улирлын хоёр дахь тоглолтоо хийж 120:114-өөр илүүрхжээ. Жоёл Эмбийд сайн тоглолтоо харуулж 21 оноо долоон самбар авчээ. Өнгөрсөн жил бэртлийн улмаас төдийлөн олон минут тоглоогүй Макел Фулц 12 оноо түүж шинэ улиралд бэлэн буйгаа мэдэгдсэн юм.
Энэ өдөр явагдсан бусад тоглолтуудын дүн мэдээ :
Нью Иорк никс 124:121 Уашингтон уизардс
Нью Орлиан Пеликанс 102:116 Атланта хаукс
Сакраменто Кингс 106:102 Фионикс санс