Монгол улсад нүдний тасаг байгуулагдсаны 90 жилийн ойгоор Монголын нүдний эмч нар бүх төрлийн нүдний оношлогоо, эмчилгээг эх орондоо хийдэг боллоо. Нүдний арын хэсгийн оношлогоо, эмчилгээний иж бүрэн тоног төхөөрөмжийг Канад улсын Лаурел сангаас Клиникийн Нэгдүгээр эмнэлгийн Нүдний тасагт хандивласнаар ийм нөхцөл бүрдлээ. 1,5 тэрбум төгрөгийн үнэ бүхий нарийн мэргэжлийн дурангийн тоног төхөөрөмжийг хандивлаад зогссонгүй, Carl Zeiis компани болон Канадын Лаурел сангийн нарийн мэргэжлийн инженерүүд эдгээр тоног төхөөрөмжийг угсарч, суурилуулж өглөө.
Carl Zeiis компанийн хятад инженер, Лаурел сангийн Канад инженер Монголд хүрэлцэн ирж нүдний арын оношилгоо, эмчилгээний нарийн дурангийн иж бүрэн тоног тѳхѳѳрѳмжийг угсарч, суурилуулав.
Дээр нь, хамгийн чухал нь, энэ нарийн хагалгаа хийх монгол эмчийг нь 2 жилийн турш Канадад мэргэшүүлж бэлдсэн гэж Нүдний тасгийн эрхлэгч, энэхүү төслийн удирдагч, нүдний эмч П.Бүрэнжаргал онцоллоо. Энэхүү тоног төхөөрөмж, дуранг ашиглан нүдний арын хэсгийн анхны хагалгааг өнөөдөр 1-р эмнэлгийн нүдний тасгийн эмч Энхтуул, Канад эмч хамт хийж эхэлсэн байна. Нүдний арын хэсгийн оношлогоо, эмчилгээний нарийн дуран, тоног төхөөрөмжийг албан ёсоор хүлээн авах үйл ажиллагаа Нэгдүгээр эмнэлгийн Нүдний тасагт болох юм байна.
Тѳслийн удирдагч нүдний тасгийн эрхлэгч Бүрэнжаргал, уг тѳслийн хүрээнд Канадад 2 жил мэргэжил дээшлүүлж, нүдний арын оношлогоо, эмчилгээг Монголд суурьшуулж, нутагшуулах эмч Энхтуулын хамт
Ц.ХИШГЭЭ