Финалд Хятадын хоёр, Германы хоёр тамирчин үлдэж, өөр хоорондоо таарлаа. Фан Зэ Дон 4:1-ээр Лин Гайг, Тимо Болл 4:2-оор Овчаровыг буулгаж финалд учирлаа. Азийн тоглолтын аварга Фан Зэ Дон энэ оны Европын аварга Тимо Болл нарын өрсөлдөөн 4:1-ийн харьцаагаар Фан Зэ Доны ялалтаар өндөрлөлөө.
Тимо Боллын хувьд ирэх Токиогийн олимпийн найдвар Японы Харимото, Дэлхийн цомын өнгөрсөн оны аварга, нутаг нэгт Овчаров нарыг шигшээ, хагас шигшээд хожиж, финалд шалгарсан. Харин Фан Зэ Доны хувьд шинээр гарч буй, нутаг нэгт Лин Гайг 4:2 -оор туршлага заан буулган авсан. -Фан Зэ Доныг ялах боломж Лин гайд бүрэн байсан. Тоглолтыг оноогоор ч, тоглолтоороо хошуучилж, илүүрхэж байсан. Гагцхүү оноогоо, давуу талаа хожил болгон хадгалж чадаагүй гэж мэргэжилтнүүд үнэллээ. Харин Тимо Боллын хувьд бэртэл нь бүрэн эдгэж анисан гэдгээ батлан 2018 онд Европод аваргалж, Дэлхийн цомд үзүүрлэлээ.
Тимо Болл Овчаровыг хагас финалд, Харимотог шигшээ наймд буулгалаа
Фан Зэ Дон өөрийн тоглолтын давуу талаа бүрэн дүүрэн ашиглалаа. Түүний дундын зайнаас хүчтэй довтолгоо нь няцаахын аргагүй байв. Мөн сэтгэл зүйгээр илүү гэдгээ тоглолт бүрийн сүүлчийн оноон дээр тэр харуулж чадсанаар аваргаллаа.
Д.БАТЖАРГАЛ
