БНСУ-д өнгөрөгч есдүгээр сард болсон таеквондогийн олон улсын тэмцээнд оролцсон У.Сүрэнжаваас допингийн төрөлд багтах бэлдмэл буюу фурсамид илэрчээ. Үүнээс болж Монголын таеквондогийн холбооны ерөнхийлөгч Д.Энхбат, гүйцэтгэх захирал С.Ган-Эрдэнэ нар тамирчнаа хориотой бодис хэрэглэхээс сэргийлж чадаагүйдээ харамсаж, ёс зүйн хариуцлага хүлээн ажлаа өгөхөөр болсон байна. Д.Энхбат тус холбооны ерөнхийлөгчөөр 12 жил ажилласан бөгөөд ерөнхийлөгчийн үүрэг гүйцэтгэгчээр дэд ерөнхийлөгч А.Түмэнжаргал ажиллах аж. Монголын таеквондогийн холбооны ээлжит бус их хурлыг ирэх сард багтаан хуралдуулахаар төлөвлөж байгаа юм байна.
Фурсамид нь шээсээр дамжуулж хаван хөөлгөх үйлчилгээтэй допингийн төрөлд хамаардаг бэлдмэл юм. Өмнө нь гавьяат тамирчин О.Пүрэвбаатараас энэ төрлийн бодис илэрч байжээ.
.jpg)
