Энэтхэгийн Бажранг Пуниа Кубын Александро Валдесийг 4:3-аар ялж финалд шалгарсан. Түүнтэй аваргын алтан медаль булаацалдахаар Оросын Ахмедийг 15:10-аар буулгасан Японы бөх Такуто гарч ирсэн. - Тэр үнэхээр сайн бөх. Оросын бөхийг хүчээр илүүрхэн ялсан. Би эхний үед сайн хамгаалсан. Тэр хэвтээгээс маш өндөр техниктэй учир аль болох хэвтээ барилдаанд шилжихгүйг хичээсэн. Сүүлийн хоёрдугаар үед ч тэр зогсоо зайгүй довтолсон. Тэр үед би хамгаалалтын алдаа гаргаж, хоёр ч оноо алдсан гэж Энэтхэгийн Бажранг финалын дараах ярилцлагадаа онцоллоо. Тэрбээр алтан медалиас атгаж аваад л алдав. Хэрэвзээ энэ алтан медалийн эзнээр тодорсон бол Энэтхэгийн түүхэнд чөлөөт бөхийн ДАШТ-ий хоёр дахь алтан медальтнаар бичихдэх байлаа.
Энэтхэгийн Бажранг хагас шигшээд Кубын Александрог 4:3-аар ялж, алтан медалийн төлөө өрсөлдөх эрхээ халаасаллаа. Тэрбээр 2013 онд ДАШТ-ээс хүрэл авсан. Энэ оны Азийн наадмын аварга. Тэрбээр 30 хүний багтай Энэтхэгийн чөлөөт бөхийн нүүр царай болсон бөх юм.
(1)%20(1).JPG)
