Юрген Клоппын босгосон Германы Дортмунд баг Испанийн алдарт Атлетико Мадрид багийг 4:0-ээр талбай дээрээ бут ниргэлээ.
Сүүлийн 4 жил Аваргуудын Лигт тогтмол шигшээ 4-т үлдэж, өнгөрсөн улиралд Европа Лигийн цомыг өргөсөн Симонегийн хөвгүүд Дортмундын эсрэг юу ч хийж чадалгүй сөхөрлөө.
Германчууд эхний үед ганц гоол оруулсан ч, төгсгөлийн 20 минутанд 3 гоолыг Атлетикогийн хаалганд зоолоо.
Антуан Гризманн бол Атлетико Мадридын нэрийн хуудас, Францын шигшээ багийн довтлогч. Энэ жилийн Дэлхийн аварга. Хамгийн үнэтэй тоглогчийн нэг. Гэвч тэр энэ удаад юу ч хийж чадсангүй.- Биднийг аз түшсэнгүй. Хоёрдугаар хагасыг бид удирдсан. Ялангуяа эхний 20'. Бид өргөн фронтоор довтолсон. Харамсалтай нь, бидний хаалга руу цохисон хоёр ч цохилт хаалганы шонг мөргөөд гарсан. Энэ хоёрын нэг нь гоол болж чадсан бол тоглолтыг бид бүрэн хяналтандаа авах байсан. Манай багийн хамгаалалт ч сэтлэхийн аргагүй нягт байсан. Гэтэл бидний азгүйтэл бүтэлгүйдэл болж хувирсан гэж Антуан тоглолтоо дүгнэлээ.