Үндэсний сагсан бөмбөгийн холбооны лигийн талбайд өнөөдөр өглөө долоон тоглолт явагдлаа.
Аваргаа хамгаалан өрсөлдөж буй Голден стет Уариорс Нью Иорк никстэй тулж 128:100-аар ялжээ. Аваргуудаас Кевин Дюрант 41 оноо авч багаа тэргүүлсэн бол Стефен Карри 29 оноо авсан байна. Тэрбээр холын зайнаас 11 удаа довтолж зургааг нь оноо болгожээ. Никсээс энэ өдөр Тим Хардвэе Жуниор 24 оноо, Франц холбогч Нтиликина 17 оноо авсан ч бусад нь сайн байсангүй улирлын тав дахь ялагдлаа хүлээв. Харин Голден Стет таван хожил нэг хожигдолтойгоор улирлыг үргэлжлүүлж байна.
Мөн Торонтой Рэпторс Далласын талбайд зочилж 116:107-гоор ялжээ. Тэдний шинэ цэрэг Кавай Лионард 21 оноо түүж багаа хожилд хөтөлсөн бол Кайл Лаури 20 оноо, 12 оновчтой дамжуулалт өгсөн юм. Мөн төвийн тоглогч Валенчунас 17 оноогоор багтаа тусалжээ. Далласаас Лука Донсич 22 оноо авсан байна . Тэрбээр тоглолтын турш 14 довтолгоо хийж долоог нь оноо болгосон юм. Торонтой Рэпторс зургаан хожилтойгоор дорнод бүсийг тэргүүлж байгаа бол Даллас хоёр хожил, гурван хожигдолтойгоор лигийг үргэлжлүүлж байна.
Энэ өдөр явагдсан бусад тоглолтуудын үр дүн
Чикаго Буллс 106:135 Шарлот Хорнетс
Лос Анжелес Клипперс 133:113 Хьюстен Рокетс
Милауки Бакс 123:95 Миннесота Тимберволвес
Брүүклин нетс 115:117 Нью Орлиан Пеликанс
Вашингтон Визардс 112:116 Сакраменто Кингс
(1)%20(1).JPG)
