ХӨСҮТ томуугийн вакцин хийж эхэлсэн байна. Вакциныг Сайн дурын дархлаажуулалтын өрөөнд ажлын өдрүүдэд 8:30-14:30 цагийн хооронд хийж байна.
Томуугийн эсрэг вакциныг зургаан сараас дээш бүх насныхан эмчид үзүүлэн, ямар нэгэн эсрэг заалтгүй бол хийлгэх боломжтой. Ингэхдээ ханиад хүрээгүй, халуураагүй байх ёстой юм байна.
Вакциныг хийлгэснээс хойш хоёр долоо хоногийн дараа дархлаа тогтож, нэг жилийн туршид ханиад томуунаас хамгаалдаг байна.
Дэлхийн ЭМБ-ын зөвлөмжийн дагуу бүс нутаг бүрт томуугийн вирусийн ямар найрлагатай вакцин хэрэглэх зөвлөмжийг гаргадаг бөгөөд зөвлөмжийн дагуу вакциныг компаниуд үйлдвэрлэдэг аж. Өөрөөр хэлбэл жил бүрийн найрлага нь өөр байдаг ажээ.
Б.ХУЛАН
