Жүдо бөхийн “Asia Open Aktau-2018” Ази тивийн нээлтэй тэмцээн Казахстан улсын Актау хотод болж өндөрлөлөө. Олимпийн эрхийн оноо олгох уг тэмцээнд есөн орны 106 тамирчин оролцсоноос Монголын баг тамирчид мөнгө, хүрэл медаль тус бүр нэгийг хүртлээ.
Эрэгтэйчүүдийн 60 кг-ын жинд өрсөлдсөн “Тэмүүжин” клубийн тамирчин Д.Билгүүн мөнгөн медаль зүүжээ. Мөн 66 кг-ын жинд хүч үзсэн “Хангарьд” клубийн тамиргчин Д.Алтансүх хүрэл медаль зүүсэн юм. Мөн 60 кг-ын жинд дэлхийн аварга шалгаруулах тэмцээний мөнгөн медальт гавьяат тамирчин Д.Амартүвшин шагналт долдугаар байрыг эзлэв. Энэ удаагийн “Asia Open Aktau-2018” тэмцээнд манай дөрвөн жүдоч барилдсанаас хоёр нь медальд хүрч нэг жүдоч шагналт байр эзэлжээ.
О.ДАШ