Хоёр ч удаа тэргүүлж байсан Байер Мюнхен гол өрсөлдөгч Дортмунд Боруссийн талбайд 3:2-оор ялагдлаа. Левандовский 26 дахь минутанд гоолын салхийг хагалж, 52 дахь минутад дахин тэргүүллийг авчирсан боловч, 67 дахь минутад Ройсын, 73 дахь минутад Пакогийн гоол Боруссын ялалтыг баталгаажууллаа. Энэ тоглолтонд Байерны гол довтлогч Левандовский 2 гоол оруулсан бол, Дортмунд Боруссын нүүр царай болсон Ройс 2 гоол оруулж, хөгжөөн дэмжигчдийн цөсийг хөөргөлөө.
Левандовскийн хоёр гоолыг ижилхэн хоёр гоолоор хариулсан. Байер Мюнхен баг руу Германы бүх хөлбөмбөгчид нэр алдар, мөнгө хөөн "урваж" байхад багтаа үнэнчээр үлдсэн. Нэг хэсэг бэртэл авч тоглолтоо завсарласан ч, хөлбөмбөгтөө эргэн ирж, өөрийгөө хэн гэдгийгээ харуулсаар буй тоглогч. Тиймээс ч өнгөрсөн ДАШТ-д түүнийг шигшээ багтаа урьсан.
Франк Риберу. Хожигдсондоо урам нь хугарсан Риберу хөлбөмбөгийн талбайд сэтгүүлчийг түлхэж зэрлэг авирласан. Тоглолтын дараа сэтгүүлчтэйгээ эргэн холбогдож, уучлал гуйсан. - Би гутарсан байсан. Ямар ч асуултанд хариулт өгөх тэнхэлгүй байсан. Гэтэл надаас асуулт асуугаад байсан учир төвөгшөөж түлхсэн. Энэ бол миний буруу байсан. Бид уулзаж, би уучлал гуйсан. Зөвхөн түүнээс төдийгүй, түүний гэр бүлээс ч уучлал гуйсан. Асуудал цааш дэврэхгүй байх гэж найдаж байна гэж тэр өөрийн цахим хуудсандаа бичсэн байна.