Аваргуудын лигийн хэсгийн шатны тавдугаар тойргийн тоглолтууд өндөрлөлөө. “А” хэсэгт багтсан Испанийн “Атлетико Мадрид” энэ тойрогт Францын “Монако” клубыг талбайдаа хүлээж авч, 2:0-ээр буулгаж авлаа. Ингэснээр 12 оноотой болж, хэсгээ тэргүүлж эхэллээ.
Тоглолтын хоёр дахь минутад Коке тооны харьцааг нээсэн. Улмаар Гризманн 24 дэх минутад нэгийг нэмснээр багийнхаа ялалтыг баталгаажуулсан юм. Ийнхүү “Атлетико” дараагийн тоглолтоос үл хамааран хасагдах шатанд шалгарах болзлоо хангаж байгаа юм.
Энэ хэсгийн нөгөө талд Германы “Боруссия Дортмунд” клуб талбайдаа Бельгийн “Брюгге”-г хүлээж авч, хуурай тэнцжээ. “А” хэсгийг Дортмунд 10 оноотой болж, хэсгийн хоёрдугаар байрт бичигдэхээр болж байна.
Мөн Английн Ливерпүүл Францын Парис сен Жермений талбайд зочилж 2:1-ээр ялагдлаа. Өнгөрсөн жил дэд аварга болсон тэд сүүлийн тойрогт талбайдаа Наполиг заавал хожиж цааш шалгарах даалгавартай нүүр тулав.
Мөн Испанийн Барселона Голландын Эйндховеныг 2:1-ээр илүүрхэж “B” хэсгийг 13 оноотойгоор тэргүүлэх болзлоо хангалаа. Энэ хэсгийн дэд байрт Английн Тоттенхем долоон оноотой бичигдэж байна. Тэд өнгөрсөн шөнө Италийн Интер миланыг 1:0-ээр хожиж хэсгээс шалгарах боломжоо хадгалж үлдсэн юм.
Энэ өдөр явагдсан бусад тоглолтуудын үр дүн
ПОРТО 3:1 ШАЛЬКЕ 04
НАПОЛИ 3:1 РЕД СТАР БЕЛЬГРАД
(1)%20(2)(4).JPG)
