Бразилын Рио Де Жанеро хотод таеквондогийн армийн Дэлхийн аварга шалгаруулах тэмцээн болж өндөрлөлөө. 24 дэх удаагийн Дэлхийн аварга шалгаруулах тэмцээнд 41 орны тамирчид оролцож байгаа юм.
Монголын тамирчдаас эрэгтэйчүүдийн 58 кг-ын жинд М.Түмэнбаяр хүрэл медаль хүртлээ. Тэрбээр Камерун, Шри-Ланкын тамирчдыг хожиж, хагас шигшээд БНХАУ-ын Лианг Юшуайд ялагдсан юм.
М.Түмэнбаяр дагах тулаанд Кувейтын тамирчинг хожин хүрэл медаль хүртжээ. Ийнхүү олон улсын хэмжээний мастер М.Түмэнбаяр таеквондогийн Армийн ДАШТ-ээс медаль хүртсэн анхны Монгол тамирчин болж байна.
Армийн ДАШТ-д Монголын таеквондогийн үндэсний шигшээ багийн таван тамирчин дасгалжуулагч Н.Эрдэнэбатын удирдлага дор өрсөлдөж байгаа юм.
(1)%20(2)(4).JPG)
