Өвөрмонгол бөхийн Алтан бүсний төлөөх барилдаан Бямба гаригт болж өндөрлөлөө. Барилдаанд улсын арслан П.Бүрэнтөгс, Ц.Мягмарсүрэн, М.Өсөхбаяр нараар ахлуулсан Ар өвөр Монголын 128 бөх барилдсан юм.
2019 оны “Алтан бүс”-ний эзнээр Ховд аймгийн Буянт сумын харьяат улсын харцага Оргихын Хангай шалгарчээ.
Харин Өвөрмонголын залуу бөх Чандмань үзүүрлэсэн байна. Бөхийн барилдааны их шөвөгт Увс аймгийн Тэс сумын харьяат улсын заан Н.Жаргалбаяр, Дорнод аймгийн Дашбалбар сумын харьяат улсын начин Д.Анар нар шалгарсан юм.
Улсын арслан П.Бүрэнтөгс бөхийн барилдааны дөрвийн даваанд Өвөрмонголын залуу бөх Чандманьд өвдөг шорооджээ.