21 аймгийн үндэсний лигийн дэд хэсэгт өрсөлдөж буй Багануур болон Дархан-Уул аймгийн багийн тоглолт боллоо.
Тус тоглолтод Багануур дүүргийн баг тоглолтын эхнээс илүү байж эхний хагасийг 53-30 аар тэргүүлж дуусгасан юм. Харин гуравдугаар үе 74-53 аар дууссан бол тоглолтын шийдвэрлэх үед 85-72 харьцаагаар Багануур өрсөлдөгчөө хожиж улирлын анхны хожлоо авлаа.
А.Бямбадорж 22 оноо 5 ассист 3 самбар авч тоглолтийн шилдгээр тодорлоо.
Энэ тоглолтонд:
Багануураас:
Г.Насанжаргал 24 оноо 4 самбар 2 ассист
Х.Анар-Эрдэнэ 15 оноо 3 ассист 4 бөмбөг таслалт
Дарханаас:
А.Энхтүвшин 20 оноо 4 ассист 15 самбар
М.Тэмүүжин 15 оноо 6 самбар 3 ассист өгч багаа тэргүүллээ.
Сэлэнгэ аймаг шинэ улирлын эхний хожлоо авлаа
MNBA 21 аймгийн үндэсний лигийн дэд хэсгийн хамгийн анхны тоглолтыг Сэлэнгэ аймаг болон Увс Нуур багууд хийсэн юм. Энэхүү тоглолтын нэгдүгээр үед Увс Нуур багийн залуус гайхалтай байж 13-0 гэсэн гайхалтай эхлэлийг хийж, улмаар эхний хагасыг онооны илүүтэйгээр дуусгаж давуу байдлыг үүсгээд байсан юм.
Гэхдээ хоёрдугаар хагаст Сэлэнгэ аймгийн бөмбөгний шилжилт сайн болж шидэлтүүд нь ээлж дараалан амжилттай болж байснаар оноог ойртуулж чадсан. Ингээд эцсийн мөчид оноо 72-72 тэнцүү байхад О. Хүдэрбат оноог авч чадснаар Сэлэнгэ аймаг эхний хожлоо байгууллаа.
О.ДАШ