Үндэсний эрх чөлөө, тусгаар тогтнолоо сэргээн мандуулсны 107 жилийн ойд зориулсан Ерөнхийлөгчийн цомын төлөөх улс, аймгийн алдар цолтой чансаа өндөр 128 бөхийн барилдаан 2018 оны 12 дугаар сарын 29-нд 14:00 цагаас Буянт-Ухаа ордонд болно. Барилдах бөхчүүдийг 12 дугаар сарын 27, 28-ны өдрүүдэд цахимаар бүртгэх юм байна. Энэ оны отгон барилдаанд Ч.Санжаадамба аварга, Н.Батсуурь аварга, Б.Бат-Өлзий харцага, П.Бүрэнтөгс арслан, Ц.Содномдорж арслан, Э.Оюунболд арслан, О.Хангай харцага нарын тэргүүтэй бөхчүүд зодоглоно.
2011 оноос эхлэлтэй энэхүү барилдаанд Улсын аварга С.Мөнхбат анх түрүүлж байсан бол 2012 онд Улсын заан М.Өсөхбаяр, 2013 онд Улсын заан Б.Пүрэвсайхан, 2014 онд Улсын аварга С.Мөнхбат, 2015 онд Улсын заан Б.Пүрэвсайхан, 2016 онд Улсын арслан Р.Пүрэвдагва түрүүлжээ. Улсын аварга С.Мөнхбат, Улсын харцага Б.Пүрэвсахйан нар тус бүр хоёр удаа, Улсын заан М.Өсөхбаяр, Улсын арслан Р.Пүрэвдагва нар тус бүр нэг удаа түрүүлж, цомын эзэн болж байжээ.
.jpg)
